TIRANË– Enkelejd Alibeaj, i është përgjigjur deklarates së kryedemokratit Sali Berisha, i cili tha këtë të enjte se Alibeaj dhe ish-paraardhësi i tij Lulzim Basha janë të përjashtuar nga Partia Demokratike, pasi sipas tij ata janë të shitur tek kryeministri Edi Rama. Përmes një postimi në rrjetet sociale Aliebaj shkruan se Berisha është duke përjetuar një katastrofë elektorale. Sipas Alibeajt është pikërisht Sali Berisha ai që i duhet Edi Ramës për të qendruar në pushtet. Në fund Aliebaj e “thumbon” Berishën duke i përmenduar emri e të birit por e shkruan shkurt si “Xeni”.
REAGIMI:
Pasi u bojkotua masivisht nga demokratët dhe shqiptarët, Sali Berisha vazhdon të hedhë llum dhe baltë si e vetmja mënyrë për t’i mbijetuar katastrofës së vet elektorale. I përjashtuari i madh nga politika, me 103 mijë vota demokratësh kundër tij e me 200 mijë të tjerë që e refuzuan dëshmoi qartë kush i ka shërbyer kujt! Edi Ramës i duhet Sali Berisha dhe soji e sorollopi i tij i korruptuar për të justifikuar korrupsionin ku është zhytur ai dhe qeveria e tij.
Unë nuk kam qenë kurrë e nuk jam me parimin e Xenit, për tu paguar për gjithçka. Sali, dorëheqja ime është akt që shkon për të mirën e demokratëve, largimi yt është çlirim dhe frymarrje për ta..
