HAS– Konstituimi i kryebashkiakut të zgjedhur të Hasit Miftar Dauti dhe Këshillit të ri Bashkiak është shoqëruar me tensione. Raportohet se Dauti nuk është lejuar të futet në sallën e mbledhjes së Këshillit dhe dera kanë qenë e kyçur ndërsa jashtë ishte vendosur Policia Bashkiake.
Mësohet se grupi i këshilltarëve prej 12 të zgjedhurish nga 21 që ka gjithsej këshilli i Bashkisë Has ka vijuar mbledhjen në hollin e katit të parë të godinës së bashkisë të improvizuar.
Më pas ka mbërritur kryetari në ikje i Bashkisë së Hasit Liman Morina, i cili u ka kërkuar anëtarëve prezent të ulen për diskutim për zhvillimin e mbledhjes në një ditë tjetër, kërkesë kjo e refuzuar nga anëtarët e djathtë. Ndërkohë për mediat Dauti ka thënë se ditën e hënë do të nisë zytrarisht punën nga zyra e tij dhe nëse ajo është e mbyllur atëherë ai do të bëjë kallëzim penal.
