Vitin tjetër, SHBA ka vitin më të rëndësishëm duke parë që janë zgjedhjet presidenciale. Populli amerikan do të caktojë me dorën e vet se kush do të jetë shefi i ri ose i rikonfirmuar i ekzekutivit.
Pyetja më e përsëritur ka qënë nëse do të rikandidojë për president apo jo, kreu aktual i Shtëpisë së Bardhë, Joe Biden, por sonte, në prag të ditës që pritet ta shpallë zyrtarisht, ai e konfirmoi pjesëmarrjen e tij në garë.
Ai duket se ka hequr pengesën e vetë-imponuar, atë të miratimit nga familja e tij. Ekipi i Biden shpreson që një rizgjedhje do të siguronte mandatin e dytë të Biden, por sondazhi i fundit tregon një realitet tjetër.
Sipas sondazhit të fundit të NBC, vetëm një në katër amerikanë miraton vendimin e tij për të kërkuar një mandat të dytë.
Politikat e tij duket se nuk janë pëlqyer shumë nga taksapaguesit amerikanë. Tashmë mbetet vetëm për t’u parë nëse Biden do e rikuperojë popullaritetin e tij.
