TIRANË– Ministri i Brendshëm Bledi Çuçi ka reaguar për herë të parë në lidhje me operacioni “Fijet”, i cili prej ditësh është shtrirë në të gjithë vendin dhe po kryen çmontimin e kamerave të sigurisë të vendosura nga grupet kriminale në rrugët kryesore të qyteteve. Në një prononcim për mediat pas mbledhjes së qeverisë ministri tha se kjo tregon se Policia e Shtetit po lufton krimin teksa shtoi se kamerat ishin vendosur nga bandat duke përdorur sei kamuflim bizneset, të cilat e kanë me detyrim mbajtjen e tyre.
Bledi Çuçi: Lajmi këtu është që ne po ndërhyjmë dhe kjo është pozitive për luiftën ndaj krimit të organizuar. Ka patur një lloj kamuflimi pasi çdo biznes ka detyrim të mbajë kamera, por unë mendoj t’ja lemë të shkuarës dhe të shohim punën që po bën policia për të dhënë një tjetër mesazh për krimin e organizuar që nuk ka hapësira më për të krijuar një mjedis për të jetuar të lirë. Ky është fillim i mbarë i PSH.
