TIRANË– Kryetari i Partisë Demokratike Sali Berisha ka komentuar gjatë konferencës me gazetarët vizitën që ish-Presidenti i Shteteve të Bashkuara të Amerikës Bill Clinton pritet të zhvillojë më datë 4 korrik në Tiranë ku do të takohet me kryeministrin Edi Rama. Ai tha se Clinton vjen në Shqipëri si një hero kombëtar në kuptimin e rolit të tij historik që ai ka luajtur në çlirimin e Kosovës.
Sali Berisha: Kurdo që të vijë në Shqipëri, ai vjen si një hero kombëtar në kuptimin e rolit të tij historik që ai ka luajtur në çlirimin e Kosovës. Ai është gdhendur në memorien e këtij kombi si një nga miqtë më të mëdhenj. Në emër të PD, unë i uroj mirëseardhjen!
