Ndonëse çmimet e shumë produkteve në botë kanë rënë ndjeshëm në krahasim me një vit më parë, kur kulmuan për shkak të pasojave të sulmeve të Rusisë ndaj Ukrainës, bizneset prodhuese shqiptare vijojnë të rriten me ritme të larta.
Kostot janë rritur si për prodhuesit për tregun vendas ashtu dhe për eksportuesit. Këta të fundit po vuajnë dhe pasojat e zhvlerësimit të ndjeshëm të euros që ka ulur të ardhurat e tyre të konvertuara në lekë.
INSTAT raportoi se Në tremujorin e parë të vitit 2023, Indeksi i Çmimeve të Prodhimit arriti 129,5 kundrejt vitit 2020.
Krahasuar me tremujorin e parë 2022 Indeksi i Çmimeve të Prodhimit shënoi një rritje me 9,4 %, një vit më parë ky ndryshim ishte 17,0 %.
Indeksi i Çmimeve të Prodhimit në tremujorin e parë 2023 shënoi rritje me 1,5 %, krahasuar me tremujorin e katërt 2022.
Krahasuar me tremujorin e parë 2022 rritja më e madhe e çmimeve prej 18,3 % vërehet në seksionin “Energjia elektrike, gaz, avull dhe me ajër të kondicionuar”, pasuar nga seksionet “Industri nxjerrëse” me 13,0 % dhe “Industri përpunuese” me 7,0 %.
Brenda këtij seksioni rritja më e madhe e çmimeve vërehet në aktivitetin “Shtypshkrimi dhe rigrupimi i mediave të regjistruara” me 25,4 %, pasuar nga aktivitetet “Prodhimi i drurit dhe produkteve prej druri dhe dushku, përveç mobileve; prodhimin e artikujve prej kashte dhe xunkthi” me 15,1 %, “Prodhimi i produkteve minerale jo metalike” me 13,2 %, “Pajisje të tjera transporti” me 11,4 %, etj.
Nga ana tjetër ulja më e madhe e çmimeve vërehet në aktivitetin “Prodhimi i mjeteve të transportit, rimorkiove dhe gjysëmrimorkiove” me 4,0 %, pasuar nga aktiviteti “Përpunimi i koksit dhe rafineria e nënprodukteve të naftës” me 2,8 %.
Indeksi i Çmimeve të Prodhimit të produkteve për tregun vendas: Krahasuar me tremujorin e parë të vitit 2022, indeksi shënoi rritje me 9,3 %. Rritja më e madhe e çmimeve vërehet në seksionin “Industri nxjerrëse” me 21,3 %, pasuar nga seksioni “Industria Përpunuese” me 10,8 %, seksioni “Energjia elektrike, gaz, avull dhe ajër i kondicionuar” me 6,3 % dhe seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 0,4 %.
Indeksi i Çmimeve të Prodhimit të produkteve për eksport: Krahasuar me tremujorin e parë të vitit 2022, indeksi shënoi rritje prej 9,1 %. Rritja më e madhe e çmimeve është shënuar në seksionin “Energjia elektrike, gazi, avulli dhe ajri kondicionuar” me 34,7 %, pasuar nga seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 15,7 %, “Industri Nxjerrëse” me 4,1 % dhe seksioni “Industria Përpunuese” me 2,7 %.
Për importuesit ritmet e rritjes ngadalësohen ndjeshëm
Ndryshe nga prodhuesait, kostot e importit janë rritur shumë më ngadalë.
Sipas INSTAT, Indeksi i Çmimeve të Importit, në tremujorin e parë të vitit 2023, arriti 113,1 kundrejt vitit 2020 si periudha bazë.
Krahasuar me tremujorin e parë 2022, indeksi i çmimeve të importit shënoi një ritje me 1,2 %, një vit më parë ky ndryshim ishte 10,7 %. Krahasuar me tremujorin e katërt 2022 indeksi shënoi rritje me 0,6 %.
Çmimet e importit të produkteve në seksionin “Energjia elektrike, gazi, avulli dhe ajri kondicionuar” kanë shënuar rritje me 6,5 %. Indeksi në seksionin “Industri nxjerrëse” shënoi një rritje me 4,9 %, krahasuar me një vit më parë. Indeksi në seksionin “Industria përpunuese” me peshën më të madhe prej 90,6 % shënoi një rritje me 0,8 %.
Brenda këtij seksioni rritja më e madhe e çmimeve vërehet në produktet e aktivitetit “Konfeksionimi i veshjeve” me 5,3 %, pasuar nga “Prodhimi i pijeve” me 5,0%, “Prodhimi i paisjeve elektrike” me 4,4 %, “Përpunimi i tekstileve” me 4,0 %, “Përpunimi i produkteve ushqimore” me 3,6 %, “Prodhimi i letrës dhe produkteve prej letre” me 3,6 %, “Prodhimi i produkteve të duhanit” me 2,7 %, “Prodhimi i produkteve minerale jo metalike” me 2,5 %, Përpunimi i produkteve dhe preparateve farmaceutikë” me 2,3 %, “Prodhimi i produkteve të kauçukut dhe plastikës” me 1,9 %, etj/Monitor
