TIRANË– Ish-zëvendëskryeministri Arben Ahmetaj e ka cilësuar raprezalje kontrollin që agjentët e Byrosë Kombëtare të Hetimit (BKH) bën këtë të martë në banesat në pronësi të familjarëve të tij. Nga “arratia” Arben Ahmetaj ka reaguar në rrjetet sociale ku shkruan me ironi se “pleqve” u kanë marrë celularët në përpjeke për të zbuluar informacione për inceneratorët. Në fund ai kishte një mesazh: Në vend të merren me fondet e inceneratorëve, merren me 1,8 milione euro imagjinarë
REAGIMI:
Sot u bë raprezalja e rradhës në familjen time, nga mosha 82 vjeç e poshtë. Madje pleqve iu janë marrë dhe celularët, në kërkim të provave për “inceneratorët”.
Ndërsa “spin doctor”/kontakt inceneratorësh, ka qarkulluar lajmin e rremë se qenkan transferuar 1,8 milionë euro…Në vend të merren me fondet e inceneratorëve, merren me 1,8 milione euro imagjinarë. Fake news e prodhuar në laboratorët e ortakërisë mediatike dhe jo vetëm, të inceneratorëve ….
