VLORË– “Vlora është zemra e Partisë Socialkiste“, kjo ishte deklarata e drejtuesit politik të qarkut Blendi Klosi gjatë fjalës së tij me kandidatët fitues për kryebashkiakë në këtë qark. Gjatë fjalës së tij Klosi tha se dhe në Këshillat Bashkiakë PS do të marrë një rezultat spektakolar. Ndërsa për rastin e Fredi Belirit në Himarë, kandidatit fitues nga koalicioni “Bashkë Fitojmë” Klosi tha se nuk fituan, por dolën me rezultat më të mirë se dy vite më parë duke mos dhënë më shumë detaje.
Blendi Klosi: Vlora është zemra e Partisë Socialiste, dhe Partia Socialiste ka zemrën në Vlorë. Të 7 kandidatët tanë garuan së bashku me mijëra socialistë, me njerëz të thjeshtë, të zakonshëm, gjetën mbështetje në çdo shtëpi vlonjate. Të 7 kanditatët morën rezultat spektakolarë, dolën më mirë se pritshmëritë tona. Të 7 kandidatët tanë dolën me vota më mirë se rezultati i dy viteve më parë. Kjo na bën për ti dhënë gjithë socialistëve, ti japim falenderime nga zemra për çdo moment që na shoqëruan në fushatë, dëshmuan se në Vlorë PS do të marrë fitore spektakolare. Kam ardhur me ekipin fitues të Vlorës, pa ne është kandati i Himarës që megjithëse nuk fitoi mori rezultat më të mirë se të dy viteve më parë. Por ama kundërshtarët tanë arritën që të dyfishonin votat, duke na çuar në një situatë jo fituese në Himarë.
