Blerina Gjylameti: Nuk mund t’i ndërpritet Veliajt kontrata me qytetarët, është shkelur prezumimi i pafajësisë

Deputetja e PS-së për Tiranën, Blerina Gjylameti, ka dalë në mbështetje të kryebashkiakut Erion Veliaj gjatë një fjale në Parlament, ku theksoi se çdo person gëzon prezumimin e pafajësisë deri në një vendim përfundimtar të drejtësisë.
“Në një shtet demokratik, në shtet ligjor, në shtet të së drejtës çdo njeriu i prezumohet pafajësia deri në momentin që vërtetohet e kundërta. Nëse sot për Erionin flasim, jo vetëm si një mik se është një mik shumë i mirë, i imi, i çdo socialisti dhe si deputete e Tiranës e them me gojën plot që nuk është gjëja e duhur të ndërpresësh kontratën e një kryetari të Bashkisë në mes të lojës, pa pasur një proces dhe pa marrë formën e prerë të vendimit që është i fajshëm” deklaroi Gjylameti.
Ajo theksoi se nuk është çështja e mbrojtjes së një individi, por respektimit të standardeve të drejtësisë për të gjithë. “Duhet të zbatohen standarde, si për Erionin dhe për çdokënd, por nuk mund të ndërpritet një kontratë në mes, sepse në fund të ditës është i votuar, i zgjedhur dhe ka disa standarde të drejtësisë që duhe