SARAJEVË- Gjykata e Bosnje-Hercegovinës dënoi të mërkurën kryeministrin e entitetit më të madh të Bosnjës, Federatën e Bosnjë-Hercegovinës, Fadil Novaliç. Ky i fundit është dënuar me 4 vite burg pasi bleu 100 “respiratorëve” nga Kina në vitin 2020, për pak më shumë se 5 milionë euro.
Drejtori i kompanisë “Srebrena malina”, Fikret Hodzic dhe drejtori i pezulluar i administratës së Federatës për Mbrojtjen Civile, Fahrudin Solak, u shpallën gjithashtu fajtorë dhe u dënuan përkatësisht me 5 dhe 6 vite. Po ashtu, kompania e Hodzic u gjobit gjithashtu me 100,000 euro, ndërsa zëvendëskryeministrja e Federatës dhe Ministrja e Financave Jelka Milicevic u shpall e pafajshme.
Blerja u bë në prill 2020, një ditë pas shpalljes së gjendjes së jashtëzakonshme për shkak të pandemisë COVID-19.
Zyra e Prokurorit të Kantonit të Sarajevës, nisi një hetim pasi u zbulua se prokurimi ishte kryer pa tender dhe përmes një marrëveshjeje të drejtpërdrejtë me një kompani private, “FH Srebrena malina”, e cila kryesisht tregton frutadhe perime. Prokuroria e nivelit shtetëror e mori çështjen më vonë.
Më pas, Zyra e Prokurorit të Bosnjës dhe Hercegovinës bëri me dije më 15 shkurt, duke u shprehur se akuzat kundër Novalic, Solak dhe Hodzic përfshinin: komplot për keqpërdorimin e pushtetit; marrjen e shpërblimeve ose përfitime të tjera; pastrim parash; falsifikim të dokumenteve të biznesit ose tregtisë, etj.
Mbrojtja pritet të apelojë vendimin dhe të nisë procedurën e shkallës së dytë./Balkaningisht
