TIRANË– Aksident me vdekje në orët e para të mëngjesit të kësaj të premteje në Tiranë. Raportohet se një 35-vjeçar i identifikuar me inicialet V.M ka humbur jetën pasi duke drejtuar mjetin tip “BMW X5” ka humbur kontrollin dhe është përplasur me bordurat anësore. Si pasojë e aksidentit kanë mbetur të plagosur dhe dy persona të tjerë që ishin bashkë me të në mjet. Ata ndodhën në spital nën kujdesin e mjekëve. Policia po heton për zbardhjen e plotë të rrethanave të aksidentit.
NJOFTIMI I POLICISË:
Më datë 16.06.2023, rreth orëve të para të mëngjesit, në rrugën dytësore Tiranë-Durrës, një automjet tip “BMW X5”, dyshohet ka dalë nga rruga dhe është përplasur me mbajtësen anësore të rrugës. Si pasojë e aksidentit ka ndërruar jetë shtetasi V. M., 35 vjeç, si dhe janë dëmtuar shtetasit E. H., 34 vjeç, dhe shtetasi E. C., 32 vjeç, të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit.
