TIRANË– Deputeti i Partisë Demokratike Luçiano Boçi, i cili mori fjalën menjëherë pas kryeparlamentares Lindita Nikolla u shpreh se kjo e fundit prezantoi vetëm arritjet e jo rekordet e zeza. Boçi theksoi se Kuvendi ka vdekur, pasi janë bllokuar kërkesat e PD-së, një prej tyre ngritja e komisionit hetimor për charterat e Ramës.
Luçiano Boçi: Dëgjova fjalën tuaj, do dëgjonim arritjet dhe jo rekordet e zeza. Kujtojmë projektrezolutën, ju keni bllokuar një projektrezolutë të rëndësishme. Ka pasur ligje që kanë shkuar në dëm të qytetarit, studentit dhe kanë favorizuar klientelën. Ka pasur konflikt interesi për investimet strategjike, kërkesa e fundit ishte ajo që kërkuam për ngritjen e komisionit hetimor për charterat. Ju e bllokuat. Me mohimin e këtij komisioni, ky parlament ka vdekur, këtu vazhdojmë kot.
