TIRANË– “Boom” arrestimesh në Tiranë. Raportohet se tetë persona kanë rënë në prangat e Policisë gjatë 24 orëve të fundit. Përmes një njoftimi për mediat blutë e kryqytetit bëjnë me dije se ata akuzohen për vepra të ndryshme penale, që nga dhuna në familje, shpërndarje kanabisi dhe shkaktim aksidenti.
NJOFTIMI I POLICISË:
Specialistët për Hetimin e Narkotikëve arrestuan shtetasin K. P., 31 vjeç, banues në Tiranë, pasi gjatë kontrollit fizik, shërbimet e Policisë i gjetën një sasi lënde të dyshuar narkotike kokainë, e cila u sekuestrua në cilësinë e provës materiale.
Po ashtu në pranga ra edhe E. M., 22 vjeç, banues në Tiranë, pasi gjatë kontrollit fizik dhe kontrollit në banesën e tij, shërbimet e Policisë gjetën sasi lënde të dyshuara narkotike kokainë dhe kanabis, të cilat u sekuestruan në cilësinë e provës materiale.
Edhe shtetasi F. Xh., 22 vjeç, banues në Vlorë, është arrestuar pasi gjatë kontrollit në automjetin që ai drejtonte, shërbimet e Policisë gjetën një sasi lënde të dyshuar narkotike kokainë, e cila u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Nr. 2 arrestuan shtetasin A. L., 34 vjeç, banues në Tiranë, pasi gjatë kontrollit fizik, shërbimet e Policisë i gjetën një mjet prerës, i cili u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Nr. 5 arrestuan shtetasin B. M., 35 vjeç, banues në Kamzë, pasi ka ushtruar dhunë ndaj bashkëshortes së tij.
Specialistët e Qarkullimit Rrugor arrestuan shtetasit:
– S. L., 50 vjeç, banues në Kamzë, pasi duke drejtuar automjetin, është përplasur me motomjetin me drejtues shtetasin P. D., 27 vjeç. Si pasojë është dëmtuar drejtuesi i motomjetit, i cili ndodhet në spital, në kujdesin e mjekëve;
– A. Ç., 23 vjeç, banues në Tiranë, pasi u kap duke drejtuar automjetin, pa leje drejtimi;
– I. V., 29 vjeç, banues në Fier, pasi duke drejtuar automjetin, ka aksidentuar shtetasen R. R., 23 vjeçe, banuese në Sarandë, e cila ndodhet në spital, jashtë rrezikut për jetën. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
