TIRANË– Njëmbëdhjetë persona kanë rënë në prangat e Policisë së Tiranës këtë të premte pasi akuzohen për vepra të ndryshme penale. Përmes një njoftimi për mediat blutë e kryqytetit bëjnë me dije se ata akuzohen për thyerje të masës së sigurisë, drogë, dhunë në familje, përndjekje dhe shkelje të qarkullimit rrugor.
NJOFTIMI I POLICISË:
Policia e Tiranës kanë ndaluar shtetasin E. H., 35 vjeç, pasi Gjykata e Shkallës së Parë të Juridiksionit të Përgjithshëm i ka caktuar masën e sigurisë “Arrest në burg”.
Gjatë kontrollit të ushtruar në banesën e 35-vjeçarit, u gjet një sasi e vogël lënde e dyshuar narkotike kokainë, e cila u sekuestrua në cilësinë e provës materiale.
Specialistët për Hetimin e Krimeve të Komisariatit të Policisë Nr. 1 arrestuan shtetasin K. B., 49 vjeç, banues në Tiranë, pasi ka thyer masën e sigurisë “Arrest në shtëpi”.
Specialistët për Hetimin e Krimeve të Komisariatit të Policisë Nr. 2 arrestuan shtetasit:
– A. S., 53 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 3 ndaluan shtetasit:
– A. D., 59 vjeç, i cili ishte i shpallur në kërkim për veprën penale “Dhuna në familje”;
– Y. L., 65 vjeç, banues në Tiranë, pasi në mënyrë të vazhdueshme ka përndjekur një 28-vjeçare.
Specialistët për Hetimin e Krimeve të Komisariatit të Policisë Nr. 4 arrestuan shtetasin R. M. (V)., 31 vjeç, banues në Tiranë, pasi ka thyer masën e sigurisë “Arrest në shtëpi”.
Specialistët për Hetimin e Krimeve të Komisariatit të Policisë Kavajë arrestuan shtetasit:
– F. D., 46 vjeç, banues në Rrogozhinë, pasi u kap duke drejtuar automjetin, në gjendje të dehur;
– H. F., 35 vjeç, banues në Kavajë, pasi gjatë kontrollit të aparatit të tij celular, shërbimet e Policisë gjetën të hapura faqe që shërbejnë për vënien e basteve sportive.
Specialistët e Qarkullimit Rrugor arrestuan shtetasit:
– Sh. H., 59 vjeç, banues në Tiranë, pasi u kap duke drejtuar automjetin, në gjendje të dehur;
– F. P., 18 vjeç, banues në Tiranë, pasi u kap duke drejtuar automjetin, pa leje drejtimi.
Materialet procedurale i kaluan Prokurorisë, për veprime të mëtejshme.
