TIRANË- Nëntë persona kanë rënë në prangat e Policisë së Tiranës këtë të marte, për vepra të ndryshme penale. Sipas policisë 5 persona janë kapur duke drejtuar automjetin në gjendje të dehur, një tjetër ka thyer masën e sigurisë “arrest me burg”, ndërsa një 19-vjeçar ka përplasur me automjetin e tij një mjet tjetër, ndërkohë më tej mësohet se tre persona të tjerë janë vënë në pranga pasi njëri ka ushtruar dhunë ndaj vëllait të tij, tjetri qarkullonte me leje drejtimi të falsifikuar dhe një 27-vjeçari i janë gjetur lënde narkotike në automjet.
NJOFTIMI I POLICISË:
Tiranë/Vihen në pranga 9 shtetas, për vepra të ndryshme penale.
Specialistët për Hetimin e Narkotikëve arrestuan shtetasin E. Z., 27 vjeç, banues në Tiranë, pasi gjatë kontrollit në automjetin që drejtonte, shërbimet e Policisë gjetën një sasi lënde të dyshuar narkotike kanabis, e cila u sekuestrua në cilësinë e provës materiale.
Specialistët për Hetimin e Krimit Ekonomik dhe Financiar arrestuan shtetasin E. Ç., 48 vjeç, banues në Tiranë, pasi i ka dhënë shërbimeve të Policisë Rrugore, një leje drejtimi, të dyshuar të falsifikuar.
Specialistët për Hetimin e Krimeve të Komisariatit të Policisë Nr. 1 arrestuan shtetasin A. K., 36 vjeç, banues në Tiranë, pasi ka ushtruar dhunë ndaj vëllit të tij.
Specialistët për Hetimin e Krimeve të Komisariatit të Policisë Nr. 2 arrestuan shtetasin K. L., 25 vjeç, banues në Tiranë, pasi ka thyer masën e sigurisë “Arrest në shtëpi”.
Specialistët për Hetimin e Krimeve të Komisariatit të Policisë Kavajë arrestuan shtetasit A. B., 37 vjeç, banues në Rrogozhinë, dhe J. K., 45 vjeç, banues në Kavajë, pasi u kapën duke drejtuar automjetet, në gjendje të dehur.
Specialistët e Qarkullimit Rrugor arrestuan shtetasit:
– E. J. 28 vjeç, banues në Lushnjë, dhe E. M., 31 vjeç, banues në Tiranë, pasi u kapën duke drejtuar automjetet, në gjendje të dehur;
– K. Ç., 29 vjeç, banues në Fier, pasi duke drejtuar automjetin, në gjendje të dehur, ka humbur kontrollin mbi drejtimin e tij dhe automjeti ka dalë nga rruga;
– B. B., 19 vjeç, banues në Kamzë, pasi është përplasur me automjetin me drejtues shtetasin R. Gj., 35 vjeç. Si pasojë është dëmtuar 35-vjeçari, i cili ndodhet në spital, nën kujdesin e mjekëve.
Materialet i kaluan Prokurorisë, për veprime të mëtejshme procedurale.
