TIRANË– Tetë persona kanë rënë në prangat e Policisë së Tiranës këtë të martë pasi akuzohen për vepra të ndryshme penale. Përmes një njoftimi për mediat blutë e kryeqytetit bëjnë me dije se në pranga kanë rënë T., 31 vjeç, banues në Pezë Helmës, dhe D. H., 45 vjeç, banues në Librazhd. Sipas Policisë këtra dy persona apo kanë parë shërbimet e Policisë, kanë hedhur nga automjeti, një send të dyshuar silenciator dhe 3 fishekë.
Ndërsa A. Gj., 30 vjeç, banues në Tiranë, dhe F. Q., 29 vjeç, u arrestuan pasi gjatë kontrollit fizik, shërbimet e Policisë iu gjetën dhe sekuestruan, në cilësinë e provës materiale, sasi të vogla të lëndëve të dyshuara narkotike kanabis dhe kokainë. Ndërkohë në pranga është vënë dhe një 17-vjeçar pasi u kap duke drejtuar mjetin pa leje drejtimi.
NJOFTIMI I POLICISË:
Tiranë. Specialistët për Hetimin e Narkotikëve arrestuan shtetasit A. Gj., 30 vjeç, banues në Tiranë, dhe F. Q., 29 vjeç, banues në Lushnjë, pasi gjatë kontrollit fizik, shërbimet e Policisë iu gjetën dhe sekuestruan, në cilësinë e provës materiale, sasi të vogla të lëndëve të dyshuara narkotike kanabis dhe kokainë.
Specialistët për Hetimin e Krimeve të Komisariatit të Policisë Nr. 4 arrestuan shtetasin R. P. (L)., 30 vjeç, banues në Surrel, pasi ka ndërtuar një objekt, në tejkalim të lejes së dhënë nga organet kompetente.
Specialistët për Hetimin e Krimeve të Komisariatit të Policisë Nr. 6 arrestuan shtetasit P. T., 31 vjeç, banues në Pezë Helmës, dhe D. H., 45 vjeç, banues në Librazhd. Shërbimet e Policisë kanë ndaluar për kontroll automjetin me drejtues shtetasin P. T. dhe pasagjer shtetasin D. H., të cilët sapo kanë parë shërbimet e Policisë, kanë hedhur nga automjeti, një send të dyshuar silenciator dhe 3 fishekë.
Specialistët për Hetimin e Krimeve të Komisariatit të Policisë Krujë arrestuan një shtetas të mitur 17 vjeç, pasi është kapur duke drejtuar një automjet, pa leje drejtimi, dhe gjatë kontrollit fizik, shërbimet e Policisë i gjetën dhe sekuestruan në cilësinë e provës materiale, një dorezë hekuri (përforcues grushti).
Specialistët e Qarkullimit Rrugor arrestuan shtetasit:
– G. K., 18 vjeç, banues në Tiranë, pasi u kap duke drejtuar motomjetin, pa leje drejtimi;
– E. S., 26 vjeç, banues në Tiranë, pasi u kap duke drejtuar automjetin, pa leje drejtimi. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
