TIRANË– Tetë persona kanë rënë në prangat e policisë së Tiranës pasi akuzohen për vepra të ndryshme penale. Kushtu një 24-vjeçar i identifikuar me inicialet H.L u arrestua pasi pas kontrollit të ushtruar në makinën me të cilën lëvizte u gjet një sasi e vogël lënde narkotike. Ndërkohë dy persona kanë rënë në pranga nën akuzën e dhunës në familje, pasi dhunuan xhaxhain dhe bashkëshorten.
NJOFTIMI I POLICISË;
Specialistët e Seksionit për Hetimin e Narkotikëve arrestuan shtetasin H. L., 24 vjeç, pasi gjatë kontrollit nga shërbimet e Policisë, iu gjetën dhe sekuestruan, në cilësinë e provës materiale, sasi lënde e dyshuar narkotike e llojit kokainë dhe një peshore elektronike.
Specialistët për Hetimin e Krimeve të Komisariatit të Policisë Nr. 6 arrestuan shtetasit:
– D. Xh., 38 vjeç, banues në Tiranë, pasi ka ushtruar dhunë ndaj xhaxhait të tij;
– E. T., 41 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët e Qarkullimit Rrugor arrestuan shtetasit:
– F. D., 21 vjeç, banues në Tiranë, pasi duke drejtuar automjetin pa leje drejtimi, ka humbur kontrollin mbi drejtimin e tij, dhe është përplasur me kangjellat anësore të rrugës;
– H. Gj., 25 vjeç, A. K., 23 vjeç, të dy banues në Tiranë, pasi u kapën duke drejtuar automjetet, në gjendje të dehur;
– B. A., 45 vjeç, A. Gj., 28 vjeç, të dy banues në Tiranë, pasi u kapën duke drejtuar motomjetet, në gjendje të dehur. Materialet i kaluan Prokurorisë, për veprime të mëtejshme procedurale.
