TIRANË– Bordi i Transparencës ka publikuar këtë të mërkurë çmimet e reja të karburanteve në vend. Në njoftimin e bërë publik për mediat shihet se ndryshim ka pësuar vetë nafta, e cila është ulur me 4 lekë. Ndërkohë benzina dhe gazi nuk kanë ndrytshuar. Duke nisur nga ora 18:00 e ditës së sotme, një litër naftë do të shitet me 193 lekë.
NJOFTIMI I PLOTË
Çmimet e reja
Nafta, 193 lekë/litri me pakicë, 181 lekë/litri me shumicë
Benzina: 190 lekë/litri me pakicë, 178 lekë/litri me shumicë
Gazi: 80 lekë/litri me pakicë, 68 lekë/litër për automjetet.
Çmimi i gazoilit për peshkim është vendosur 99 lekë/litër.
Bordi i Transparencës, 08/03/2023
Çmimet e caktuara nga Bordi do të hyjnë në fuqi në datë 08 mars 2023, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve. Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
Bordi i Transparencës, 08/03/2023
