Luis Suarez Miramontes, i konsideruar si një nga lojtarët më të mëdhenj të Spanjës, ka ndërruar jetë në moshën 88-vjeçare këtë të dielë.
Ai ishte mesfushor i Barcelonës, Interit dhe Sampdorias gjatë karrierës së tij si lojtar që zgjati nga 1953 deri në 1973. Miramonte arriti majat e karrierës në vitin 1960 kur ai fitoi Topin e Artë.
Suarez filloi në Deportivo La Coruna përpara se të bënte emër te Barcelona, ku luajti nga viti 1955 deri në vitin 1961. Ai ndihmoi Barçën të fitonte dy tituj të La Ligës gjatë kohës së tij atje.
Arritja e tij kurorëzuese personale erdhi në vitin 1960 kur ai mundi yllin e Real Madrid , Ferenc Puskas për Topin e Artë.Ai kaloi te Interi në vitin 1961, ku bëri 328 paraqitje gjatë nëntë viteve, duke shënuar 55 gola nga mesfusha.
