TIRANË– Deputeti i Partisë Socialiste Erion Braçe ka kërkuar që gratë deputete të Partisë Demokratike të cilat janë përjashtuar të futen lirisht në Kuvend. Por socialisti nuk kurseu ironitë me deputetët burra të PD-së të cilëve u kërkoi të pranojnë vendimin e Kuvendit dhe të mos fshihen pas grave. Gjatë fjalës së tij nga vendi Braçe kishte një këshillë dhe për kolegen e PD-së Albana Vokshi të cilës i tha se qëndrimin duhet ta mbajë sipas erës së parfumit dhe jo të naftës. Kjo erdhi pas pyetjes që ai i bëri nëse e kanë marrë në pyetje ish-kryedemokratin Lulzim Basha në lidhje me dyshimet për financime ruse në Partinë Demokratike.
Erion Braçe: Kërkoj që gratë deputete të hyjnë në sallë lirisht në Kuvend. Burrat e PD, të bëhen burra dhe të pranojnë dënimet e Kuvendit dhe të mos fshihen pas grave. Ata që janë këtu paguhen jo për të bërë zhurmë, por për ata që i përfaqësojnë. Parlamenti po mbahet i bllokuar, në situatë anormaliteti të plotë. Në respekt, doja të thoja dicka në lidhje me aksesin që duhet të kenë gratë për të hyrë brenda. I përdorni gratë si kokë dashi, burrat e PD të bëhen burra e të pranojnë edhe dënimet që u jepen e të mos fshihen. U bë e disata seancë që u bë se të thuhet se të gjithëve kjo na u bë se iu mohua e drejta e fjalës. Kanë shumë më tepër, kjo nuk është normale. Duhet të bashkëjetojë në Kuvend dhe atë e imponon rregullorja. Unë s’kam prioritet të flas për paratë e PD dhe nuk ka pse axhenda e dikujt tjetër të nxjerrë jashtë axhendën time. Të gjithë ata që janë këtu nuk paguhen për zhurmë. Do kërkoja mirëkuptimin e të gjithëve me gardën, mos godisni gardën, është e pakonceptueshme ajo që ka ndodhur te dera. Garda nuk shtyn, pushkaton. Ta fillojmë nga origjina, të kujt janë paratë që deklarohen këtu? Duhet të dinë se paratë Kam një pyetje për Albanën, e keni marrë në pyetje Bashën apo jo? Berisha thotë që u ka shpërndarë formularë me pyetje, i keni plotësuar apo jo? Këtu është thelbi, nuk të shkon Albana, qëndrimin mbaje sipas erës së parfumit dhe jo sipas erës së naftë. Tani te ligji: Na duhet hapësira publike. Nuk kanë vend ku të thajnë grurin, jam kundër, kush nuk ka paguar para për ndërmarrjet bujqësore nuk ka pse përfiton për këto prona. Qeveria nuk ka nxjerrë masat mbështetëse për në bujqësi dhe në blegtori. Shikoni ciklet, nuk mundet që bujku të rri të presi se kur do dalë vendimi nga ministria që të punojë tokën. Të bëhet cfarë është e mundur që ky vendim të dalë tani, me qëllim që bujqësit ato para ti marrin e ti shfrytëzojnë. Nëse ua japin ato para në dhjetor nuk ka asnjë vlerë.
