TIRANË– Deputetja e Partisë Demokratike Albana Vokshi i është përgjigjur “flakë për flakë” deputetit socialist Erion Braçe në lidhje me financimin rus në PD dhe ngritjen e një komisioni hetimor për të hetuar skandalin McGonigal. Deklarata e Vokshit erdhi pasi Braçe i kujtoi auditin në PD në lidhje me financimin e pretenduar rus në PD dhe nëse është marrë në pyetje ish-kryedemokrati Lulzim Basha për këtë. Deputetja demokrate deklaroi se një komision hetimor duhet të ngrihet dhe më pas të hetojë veç “McGonigal” edhe financimin rus në PD.
Albana Vokshi: Kemi kaq ditë që kemi kërkuar komision hetimor. Ngrije të hetojë edhe ato para që thua ti. Të vijë Rama të shpjegojë ato valixhet. Çdo të mërkurë 13 pyetje do t’i rrinë në kokë Edi Ramës. McGonigal e ka vendin në burg, atje e ka vendin edhe Rama. Keni përjashtuar 27 deputetë, e keni bërë si diktaturë. Garda nuk lë deputetet të futen me urdhër të Nikollës. Distancohuni. Ngremë komisionin dhe të hetohen të gjitha. Kryeministri ynë është burracak, fshihet në Surrel ose pas fustanit të grave. Të kishte SPAK do kishte nisur hetimi. Por drejtësia edhe SPAK nuk funksionojnë. Do jemi këtu deri në fitore sepse revolucioni ka nisur.
