TIRANË– Është shoqëruar me debate dhe tensione seanca plenare e kësaj të enjteje në Kuvend. Gjatë fjalës së tij deputeti socialist Erion Braçe duke iu referuar arrestime të fundit të zyrtarëve u shpreh se është më e lehtë të ketë arrestime nga pala e majtë se ajo e djathtë. Në përgjigje kolegia demokrate Jorida Tabaku u shpreh se ajo nuk ka frikë nga ligji.
Erion Braçe: Pse është kaq e lehtë të arrestohen nga e majta dhe pse kaq e pamundur të arrestohen në të djathtën. Ka një diferencë të madhe dhe qëndron te kultura e ligjit. Jo frika ndaj ligjit, por te kultura ndaj ligjit, aq sa ke kapacitetin ku të mos çedosh në raport me ligjin. Që pas reformës në drejtësi kam vendosur të mos flas këtu për vendimet e gjyqësorit. Nëse ka një gjë që nuk i bën nder drejtësisë është parade e politikanëve të zhytur në fyt me kallëzime në dyert e drejtësisë. Nëse ka pasur një pyetje që mund të ishte e pamundur por u bë në Komisionin e Ligjeve ishte a ndjeni ju presionin e politikanëve dhe përgjigja ishte negative. Nëse vazhdon kjo këngë nuk do ketë drejtësi asnjëherë.
Jorida Tabaku: Unë kam frikë nga ligji zoti Braçe. Deputetët duhet të kenë frikë nga ligji, Drejtësia nuk ka qenë kurrë në dorën time dhe vetëm e kam inkurajuar. Ne këtë duhet të arrijmë sot.
