Deputeti socialist Erion Braçe ka reaguar me tone ironike ndaj akuzave të deputetit demokrat Sajmit Korreshi. Ky i fundit deklaroi se bujqësia ndodhet në ditën e saj më të zezë.
Nga foltorja e Kuvendit, Korreshi ka ironizuar pamjet e shpërndara nga deputeti socialist Erion Braçe nga vreshtat e Lushnjes, duke i kërkuar t’i tregojë sekretin se si zgjidhen problemet me selfie, ndërsa tha se tha mazhoranca se nuk po i ndihmon bujqit, por se po iu bëhet reklamë përmes celularit vetëm atyre që janë me PS-në.
Braçe iu përgjith duke thënë se Korreshi ka përfituar më shumë se socialistët në Lushnjë.
Ai i përmendi Korreshit shalqinjtë e kastavecat që ka marrë në Parlament si dhe u shpreh me ironi se kujt nuk i pëlqyen takimet në Lushnjë apo shalqiri, rrushi, domatet e me radhë të presë sezonin e preshit se është afër.
“E para mbi të gjitha kur shkohet në fshat nuk i kërkohet teserë partie kujt. Ka disa në këtë sallë që janë demokratë e kanë përfituar më tepër se socialistët në Lushnjë. Ti je i pari (I drejtohet Korreshit). Fenomenet e natyrës nuk varen nga qeveria. Kur njëri në këtë sallë merrte shalqinin e i fuste kastravecin brenda unë kam qenë duke folur për ndryshimet klimatike. Kjo është e para. Së dyti nëse ka në këtë sallë nga ata që mendojnë se ishte vit i keq bujqësor, nuk i ndihmoj dot. Ka një problem me grumbulluesit e grurit që fillon tek unaza e Lushnjës tek kryetari i PD-së zyrtare e që mbaron në Tiranë dhe nga gruri do të fillojë në misër. Kujt nuk i pëlqyen takimet në Lushnjë apo shalqiri, rrushi, domatet e me radhë të presë sezonin e preshit se është afër.”
