Deputeti socialist Erion Braçe, gjatë senacës plenare të zzhvilluar ditën e sotme, e cila u shoqërua me debate të shumta, solli në fokus reformimin e tregut, ku tha se s’ka përpjekjen më të vogël për sigurimin e bujqëve. Ai u shpreh me shqetësim se përsa kohë ky treg do vijojë i kapur, asnjë zhvillim nuk do vijë, pasi të gjithë të ardhurat ndahen me përqindje.
“Dhe viti që shkoi kemi ngritur shqetësimin e këtij autoriteti të foreksit. E vlerësoj punën e policisë, prokurorisë, por s’mund të ri pa thënë që autoriteti të gjejë veten e tij. Të gjithë në këtë sallë bëjnë sikur nuk kuptojnë, ky treg është i kapur, në këtë treg s’ka konkurrencë. Ky është një treg jetik sa ka të bëjë me sigurimin e jetës së gjithkujt, ky treg nuk ka asnjë lloj zhvillimi, nuk hyn asnjë kompani e re, sepse të gjithë të ardhurat ndahen me përqindje.Nuk di si e kanë matur dhe çdo e ardhur në këtë treg ndahet me përqindje, për sa kohë është kështu, nuk përmirësohet. Ka ardhur koha që ky treg të reformohet, reformimin e sigurimit. Nëse nuk do bëjmë një reformim, ky treg do mbetet i prapambetur, s’ka përpjekjen më të vogël për sigurimin e bujqëve, as nga qeveria për të shtuar para dhe është koha për ta bërë tani, ndryshimet klimatike po bëjnë ndryshime dhe tregu i sigurimeve të ndërhyjë. Kush do i paguajë paratë? Përsa ky treg do vijojë i kapur, asnjë zhvillim nuk do vijë në këtë treg. Dhe ky është një problem i madh. Sa kohë që të gjithë janë në këtë sallë dhe se ky treg funksionon kështu, është një problem i madh. Ne problemin e kemi në treg, në mënyrën si funksionojnë. Këtu nuk është duo, por shumë më turp se duo-poli”.- u shpreh ai.
