TIRANË– Deputeti i Partisë Demokratike Gazment Bardhi i ka drejtuar një pyetje publike Prokurorisë së Posaçme (SPAK) nëse ish-zëvendëskryeministri Arben Ahmetaj është shpallur në kërkim kombëtar. Gjatë fjalës së tij në Kuvend Bardhi tha se ende nuk dihet se çfarë ka vendosur gjykata.
Gazment Bardhi: Ka pasur një kërkesë në gjykatë për caktimin e masës së arrestit ndaj Arben Ahmetaj. Nuk di asnjë asgjë çfarë ka vendosur gjykata. Nuk dimë në është miratuar apo jo, dhe këtë e kam thirrje për SPAK. Nëse është miratuar nga gjykata, pse i mbahet e fshehtë opinionit publik? A ka nisur kërkimi kombëtar? A është shpallur në kërkim ndërkombëtar Arben Ahmetaj? Për të gjitha këto çështje ne kemi kërkuar një interplancë në përputhje me rregulloren me Kryeministrin e vendit”
