Landi i Bavarisë në Gjermani u godit nga një stuhi brutale breshëri dhe shkaktoi dëme të pazakonta në kafshë dhe shpendë. Sipas gazetës BILD, breshëri kishte një madhësi sa topat e tenisit dhe vrau edhe kafshë të mëdha.
Si pasojë e breshërit të paktën 18 drerë dhe sorkadhe u gjetën të ngordhura në një distrikt. Viktimë e breshërit ra edhe një kalë ra viktimë e breshërit. Plagët që mori ishin kaq të rënda, sa nuk i përballoi dot.
Banorët e zonës thonë se kurrë në jetën e tyre nuk kanë parë një breshër të tillë. Ai vrau edhe të paktën dy mace. Ndërkohë dëmet më të mëdha i ka shkaktuar te zogjtë duke vrarë shumë lejlekë.
