Ministrat e sportit të Britanisë dhe Francës këmbëngulën të martën se atletët rusë dhe bjellorusë nuk duhet të garojnë si neutralë siç rekomandohet nga Komiteti Olimpik Ndërkombëtar (IOC), sepse ata ende mund të financohen nga qeveritë e tyre.
Ministrja britanike, Lusi Frazer tha në një seancë të Këshillit të Evropës se mungesa e referencës së rekomandimeve të IOC ndaj financimit shtetëror ishte shqetësuese.
“Dispozitat e përcaktuara për lidhjet e agjencive ushtarake dhe të sigurisë kombëtare janë minimale. Ne e dimë se lidhjet midis shtetit, ushtrisë dhe sportit në Rusi dhe Bjellorusi janë rrënjësore”, u shpreh ajo. “Shumë atletë rusë kanë qenë aktivë në mbështetjen e tyre për pushtimin e Putinit”.
Ministrja franceze e sportit, Ameli Udea-Kastera tha se IOC kishte “çështje shumë të prekshme dhe themelore” për t’u sqaruar përpara fillimit të Olimpiadës në korrik të vitit të ardhshëm.
Parisi është pritësi i Lojërave Olimpike dhe Paraolimpike 2024. IOC do të finalizojë vendimet për pjesëmarrjen e atletëve rusë dhe bjellorusë në një datë të mëvonshme.
