TIRANË– Ministrja e Bujqësisë dhe Zhvillimit Rural Frida Krifca duke folur në një konferencë për gazetarët ku parashtroi dhe objektivat e këtij viti të ri por dhe bëri një analizë të vitit që shkoi u shpreh optimiste për ndikimin që bujqësia ka në ekonominë e vendit dhe Prodhimin e Brendshmë Bruto.
Frida Krifca: Në lidhje me blektorinë, e përmenda që është një sfidë, jo vetëm për ne por edhe të vendeve të tjera të BE, që kanë pasur me 10%. E kemi mbështetur më shumë se asnjëherë.
Pyetje: Kontributi në GDP, një rritje 0.05% nuk duhet të na kënaqë, pse ky rezultat me këtë kontribut?
Frida Krifca: Jam e kënaqur duke konsideruar vështirësitë që sektori ka. Italia ka pasur 10% humbje gjatë vitit 2022 edhe për shkak të thatësirës. Por jam optimiste për kontributin e bujqësisë në ekonomi. Jo vetëm në GDP, por jam optimiste për punësimin dhe rivitalizimin në sektore rurale. Duhet parë shumë më gjërë si sektor.
Po ashtu Krifca u ndal dhe tek sektori blegtorial për të cilin tha se është sfidë dhe prioritet i këtij viti. Ajo u shpreh se bazuar në të dhëna, Bujqësia është në nivele të stabilizuara!
Frida Krifca: Kemi një kontribut pozitiv të bujqësisë në prodhimet e brendshme bruto me 0.05 për qind. Punësimi është rritur në bujqësi gjatë tremujorit të tretë me 6.5 për qind. Rritja e pagës mesatare prej 15.7 për qind në tre mujorin e tretë. Sektori është shumë herë më i formalizuar se një vit më parë. Kemi një numër në rritje të fermerëve me NIPT, 85 mijë. Të dhënat paraprake flasin për një stabilitet të prodhimit dhe një rritje të lehtë. Krahasuar me 2021, kemi ecuri pozitive me rritje të parashikuar si te gruri me 4 për qind, ulliri që ka pasur ecuri fantastike me 39 për qind. Eksportet është kali ynë i betejës, kemi një objektiv të arritur dhe të tejkaluar. Ata që thonë ndryshe nuk dinë ç’flasin. Kemi rritje me 18 për qind në vlerë dhe 15.6 për qind në sasi krahasuar me 2021. Struktura e eksportit ka pësuar ndryshim cilësor si dëshmi e vlerës së shtuar. Kemi siguruar një mbështetje progresive për prodhimin, ruajtjen, magazinat, është shumëfishuar vëllimi i kapaciteve mbrojtëse. Të gjitha këto janë një strukturë e rëndësishme për eksportin. Kemi çarë tregje të reja. Kemi eksportuar në 73 vende, 10 vende të reja sesa një vit më parë. Si e ka ndihmua ministria eksportin? Kemi siguruar një mbështetje progresive për prodhimin, ruajtjen, magazinat, është shumëfishuar vëllimi i kapaciteve mbrojtëse. Të gjitha këto janë një strukturë e rëndësishme për eksportin.
