Moderatorja Valbona Mhilli reagon për vendimin e Gjykatës së Apelit për dënimin më një vit burg të deputetit të Partisë Demokratike, Ervin Salianji.
Me anë të një postimi në rrjetet e saj sociale, Mhilli deklaron se dje fitoi ‘Mafia Shqiptare’ por nuk do të dorëzohemi deri në zbardhjen e të vërtetës.
Postimi i saj ishte :
“Burgu politik këmbana e alarmit për të gjithë ne! Kjo nuk është beteja e Ervin Salianjit. Kjo është lufta e çdo të riu, e çdo familje Shqiptare në çdo cep të Shqipërisë! Kjo është beteja e çdo të riu që po i vriten ëndrrat në vendin e tij!” – postoi Valbona.
“Dje u vra shpresa e të Rinjve Shqiptar, dje u vra shpresa e çdo të riu demokrat, dje fitoi MAFIA Shqiptare por ne nuk dorzohemi deri në frymën e fundit për të kërkuar drejtësi për Ervinin dhe çdo padrejtësi në këtë vend!” – shtoi Valbona. Dhe ajo gjithashtu kishte postuar #MeErvinin.
