TEPELENË– Një krim brenda familjes është regjistruar paraditën e kësaj të enjteje në Tepelenë. Raportohet se një 42-vjeçar i identifikuar me inicialet L.N ka goditur me thikë bashkëshorten e tij të identifikuar me inicialet F.N 40 vjeçe. Pas ngjarjes ai ka goditur dhe veten. Ata janë dërguar menjëherë në spital dhe ndodhen nën kujdesin e bluzave të bardha. Policia ka mbërritur në vendin e ngjarjes dhe po punon për zbardhjen e plotë të saj.
NJOFTIMI I POLICISË:
Rreth orës 09:40, në lagjen “Selam Musai”, Tepelenë, dyshohet se pas një konflikti të çastit, në banesë, shtetasi L. N., 42 vjeç, ka goditur me mjet prerës (thikë), bashkëshorten e tij, shtetasen F. N., 40 vjeçe, dhe më pas është vetëdëmtuar me mjet prerës. Të dy këta shtetas janë transportuar në spital dhe ndodhen nën kujdesin e mjekëve. Në vendngjarje ndodhet grupi hetimor, i cili po punon për zbardhjen e plotë të rrethanave ngjarjes.
