TIRANË– Ish-deputeti Ervin Bushati i ftuar në “Stay Tuned” me moderatoren Valbona Mhilli në MCN TV duke folur për politikën u shpreh se edhe ajo është pjesë e shoqërisë shqiptare, por shtoi se ajo duhet të distancohet nga personat problematikë.
Politika është pjsë e shoqërisë sonë, nuk jeton në hënë, në këtë shoqëri jeton, i ka kaq afër këta njerëz sa i ka dhe shoqëria. Puna është se politika e para duhet të distancohet nga modeli i çunave problematikë, por dhe shoqëria duhet të distancohet. Njerëzit zakonisht mendojnë vetëm më të mirën për fëmijët e tyre dhe e mira zgjidhet duke zgjedhur njerëzit e drejtë, duke zgjedhur modelin e drejtë.
Ndërsa duke lënë pas politikën dhe fokusuar te muzika, Bushati tregoi se sa ka ndryshuar muzika shqiptare dhe si përcillet sot. Ai tha se vetë nuk dëgjon muzikën shqiptare, por i pëlqen ajo house.
Besoj se nëse e quajmë shqiptare mendoj se muzika e shqiptarëve të Kosovës është më përpara si në muzikë ashtu dhe në konceptet e këngës. Na e kanë marrë në këngë. Edhe muzikalisht janë më përpara se ne. Mund të jenë dhe më artistë se ne. Sa më në veri të shkosh më shumë artistik bëhesh. Unë vetë këto kohë në makinë dëgjoj jo muzikë shqiptare, kam një 2-3 vite që dëgjoj house në makinë, kjo ka të bëj dhe me personalitetin jam pak logjik matematikë.
