TIRANË– Deputetët e Partisë Demokratike Albana Vokshi dhe Oerd Bylykbashi kanë depozituar këtë të enjte në Kuvend kërkesën për ngritjen e një komision hetimor për çështjen e Portit të Durrësit. Gjatë një prononcimi për mediat Vokshi dhe Bylykbashi deklaruan se kanë marrë firmat e 35 deputetëve, që do të thotë se i kanë plotësuar firmat e nevojshme për ngritjen e komisionit hetimor.
Oerd Bylykbashi: Me këtë aferë duhet të ndalet. Është cenuar Kushtetuta, Përveç Komisionit hetimor ne do ta padisim për herë të dytë në kushtetuese. Do i shkojmë deri fund, askush s’do na ndalojë në hetimin e kësaj afere grabitqare. Këtë do ta ndjekim në çdo rrugë. Kanë firmosur edhe deputetë që sot kanë lënë mandatin por janë përtej numrit 35. Kerkesa ka 35 firmat e nevojshme për të bërë të mundur ngritjen e komisionit.
Albana Vokshi: Kërkoj që Lindita Nikolla të vëjë në lëvizje të gjitha mekanizmat për ngritjen e këtij komisioni.
