TIRANË– Kryekomisioneri i Zgjedhjeve Ilirjan Celibashi ka regjistruar këtë të shtunë në zgjedhjet vendore të 14 majit koalicionin “Bashkë Fitojmë” por vetëm me tre parti , konkretisht: Partia e Lirisë, Partia Uniteti për të Drejtat e Njeriut si dhe Partia Demokristiane duke lënë jashtë Partinë Demokratike të drejtuar nga Sali Berisha.
Ilirjan Celibashi: Ajo që thotë përfaqësuesi i PD-së që nuk kemi bërë asnjë marrëveshje.
Altin Kaziaj: Ju që thoni ‘përfaqësuesi i PD’ ende nuk e keni regjistruar PD-në në zgjedhje.
Ilirjan Celibashi: Indrit Sefa përfaqëson PD-në në KQZ. Prej gati 1 viti është përfaqësuesi i PD-së dhe sa kohë nuk ka një dokument që provon të kundërtën, vazhdon të jetë përfaqësuesi i PD-së në KQZ. Mungon vullneti i PD-së për të qenë pjesë e këtij koalicioni. E njëjta situatë ka qenë edhe në shkurt 2022. Në konkluzion dhe në analizë të të gjithë çfarë përmenda do regjistrojmë koalicionin “Bashkë Fitojmë” me 3 parti, PL, PBDNJ dhe PDK.
