TIRANË– Grupi parlamentar i Partisë Demokratike zyrtare do të kërkojë në seancën plenare të së enjtes interpelancë me kryeministrin Edi Rama për çështjen “Ahmetaj”. Lajmin e bëri me dije Gazment Bardhi pas mbledhjes me deputetët. Sipas tij përgjegjësia penale e ish-zëvendëskryeministrit është çështje e prokurorisë por kryeministrit duhet të japë llogari për procedurat e paligjshme dhe të sqarojë sesi me paratë e 3 mafiozëve po financohet arratia e tyre.
Gazment Bardhi: Në përfundim të mbledhjes së grupit, dua të informoj për vendimin për të thirrur në rendin e parë të ditës për interpelancë kryeministrin e vendit për aferën e inceneratorëve. Përgjegjësia e tij penale është çështje e prokurorisë, kryeministrit të japë llogari për procedurat e paligjshme dhe të sqarojë sesi me paratë e 3 mafiozëve po financohet arratia e tyre. Edhe pse janë shpallur në kërkim pagesat për ta vazhdojnë, kërkesa për interperlancë është e detyrueshme për të diskutuar kërkesën e opozitës. Kërkojmë dhe nocion me debat lidhur me aferën e incneratorëve, çështje tjetër është sesi po shkelet rregullorja për të futur në rend dite projektligjin për kanabis, për PD kjo është e papranueshme pasi nuk është kërkesë e qytetarëve por grupeve kriminale. Këto ishin tre çështje që diskutuam.
