TIRANË– Deputeti i Partisë Demokratike Gazment Bardhi i ka kërkuar kryeparlamentares Lindita Nikolla të ndërpresë seancën plenare dhe të thërrasë në Kuvend kryeministrin. Sipas Bardhit kreu i qeverisë Edi Rama nuk mund të fshihet pas ish-ministrit Arben Ahmetaj dhe ish-deputetit të dorëhequr Rrahaman Rraja për skandalet.
Gazment Bardhi: Ndërprisni seancën dhe kërkojini kryeministrit të vijë këtu. Është e papranueshme që Rama fshihet pas Rrajes për Krujën dhe pas Ahmetajt për inceneratorët. Është në detyrimin dhe në të drejtën tonë që të kërkojmë të pezullohet seanca plenare dhe të vijë të japë llogari. Të japë llogari për licencën që i ka dhënë deputetit për guroren që i shkatërroi shtëpinë një fshati të tërë.
