TIRANË– Motra e Saimir Sulës, të riut shqiptar që u soll pa zemër në Shqioëri, gjatë kohës së pandemisë ka protestuar sot bashkë me dhjetëra qytetarë duke kërkuar drejtësi. Në një prononcim për mediat Majlinda Sula bën thirrje ministrit të Drejtësisë Ulsi Manja dhe kryeministrit Edi Rama që t’i bëjnë ADN-në zemrës që pretendojnë se është e Sulës. Ajo tha se institucionet shqiptare i kanë mbyllur derën. Sipas saj heshtja e institucioneve shqiptare shton dyshimet se mes Shqipërisë e Spanjës është bërë një marrëveshje për të arkivuar këtë çështje.
Majlinda Sula: Pretendohet që kjo zemra e derrit e ruajtur në një spital në Barcelonë, ka qenë e sëmurë. Prendohet që ka pasur një sëmundje, ndaj thonë që është zemra e Saimir. Në këtë mënyrë ata pretendojnë se Saimiri ka qenë i sëmurë, por nuk ka qenë kuruar. Por dokumentet nuk gënjejnë. Kjo zemër ka vdekur më 22 prill, kur Saimiri ka qenë gjallë dhe nuk ka qenë fare në spital. Saimir ka ndërruar jetë më 9 maj. Pas dy vitesh, ata u kujtuan, autoritetet spanjolle që u kapën në shkelje, për trafik organesh dhe thanë ua ja ku e keni zemrën këtu. Kjo është një lojë për të arshivuar rastin dhe kjo gjë ndodhi. E arshivuan në qershor, ne e kemi hedhur në apel. Presim që Apeli të na e rikthejë dhe të na bëjë ADN-në. Zoti Manja këtu nuk na jep asnjë lloj shpjegimi, asnjëherë nuk ka përgjigjet. Duam që zemra të vijë në Shqipëri dhe ta bëjmë ADN-në këtu sepse duke qenë se atje u vra, u fsheh zemra e u trafikua, logjikisht mund edhge të falsifikohet AND-ja. Ku është zemra e Saimirt? Nuk ka investigim, nuk ka asnjë marrje në pyetje, asgjë. Manja u kërkon autoriteteve spanjolle që të bëhet AND-ja atje, nuk është kjo gjë ajo që duhet. Le të bëhet atje, por të vijë të bëhet dhe këtu. Edhe në Shqipëri është hapur një hetim, kjo zonja që po heton këtu nuk e mbyll dot pa pasur ADN-në, familja do të rrijë gjithë jetën duke menduar se çfarë u bën me këtë zemër. Kur unë isha herën e kaluar në Ministrinë e Drejtësisë, dola shumë e kënaqur. Zotëria më dëgjoi, u tregua shumë i kujdesshëm, më dëgjoi dhe më prcolli. Sa dola nga aty, më bëri bllok. Kam ngelur derë më derë, këtu në institucione trajtohesh si qen, duke nisur që nga punonjësi i thjeshtë tek dera, edhe ai të trajton si qen. Unë kam kërkuar takim me kryeministrin Edi Rama. Është e pafalshme që kryeministri hesht për 30 muaj. Tre gërma zoti Rama, A, D, N, kjo është ajo që kërkon familja. Por unë nuk do të lodhem, do të dal në çdo vend për protestë. Nga kjo heshtje mua më lind e drejta të mendoj se Shqipëria dhe Soanja kanë komunikuar, kanë rënë dakort që të mos vijohet me këtë çështje, Rama dhe Sanchez atëherë janë rënë dakort. Sepse shpjegim tjetër nuk gjej.
