Administratori dhe pronari në letra i Bankers Petroleum Hongping Xiao rezulton kordinator i skemës së zhvatjes së pasurisë nëntokësore shqiptare, përmes fryrjes së shpenzimeve me faturime fiktive, manipulimit të bilanceve, fshehjes së kontratave, vjedhjes me skemën e TVSH-së, shmangies së taksave, blerjes së mediave, pastrimit të parave etj. Të ardhurat e kompanisë zhvatëse nga nafta janë rreth 6 miliardë euro, ndërsa shpenzimet rreth 7 miliardë euro. Kinezi Hongping Xiao, i arrestuar disa ditë më parë, ka kontribuar për krijim e kësaj grope financiere.
Pasi ndante detyrat dhe mbyllte pazaret e radhës, Hongping Xiao-n i pëlqente të bënte gili-vili me zonjat dhe zonjushat e Bankersit, disa nga të cilat paguheshim me mbi 10 mijë euro në muaj. Nga përgjimet e reflektuar në dosjen e prokurorisë, del në pah karakteri i Hongping Xiao jo vetëm si një hajdut i frikshëm, por edhe ‘qejfli’. Xiao i pyeste në telefon gratë dhe vajzat e Bankersin se çfarë kishin veshur, fund apo pantallona.
Në 24 prill 2025, hajduti i madh kinez Hongping Xiao bisedon në telefon me zonjën Doina Goga, pjesë e departamentit ligjor të Bankers. Pasi bisedojnë për raportin me median, pazaret, shantazhet dhe kontratat për të mbuluar të vërtetën, Xiao e pyet zonjën Goga se çfarë ka veshur dhe nëse ka veshur fund. Goga i përgjigjet se ka veshur kostum.
Ndërkaq, në dosjen hetimore në pah del zonja Flavia Capo (Dhima), si personazhi kyç që fshihte dhe manipulonte të dhënat financiare të Bankers, në funksion të mashtrimit të madh, fryrjes së shpenzimeve dhe devijimit të fitimeve. Flavia Capo (Dhima) ka ushtruar prej vitesh funksionin e drejtoreshës së Kontrollit Financiar pranë Bankers Petroleum Albania.
Sipas dosjes, e cila duhet të shërbejë si një provë për SPAK-un, Flavia Capo ka manipuluar prej vitesh të dhënat financiare të kompanisë Bankers, në funksion të skemës së vjedhjes së madhe nga një çetë hajdutësh kinezë dhe shqiptarë. Zonja paguhej me 13 mijë euro në muaj nga Bankers.
Flavia bashkëpunonte me shefin e financës së “Bankers Petroleum Albania”, Ardit Keron, ish bashkëshorti i Arbana Osmanit, për t’i fshehur Tatimeve kontratat korruptive të Bankers me kompanitë që përdoreshin nga kinezët për të vjedhur paratë. Pas Hongping Xiao dhe Lonit, Kero konsiderohet me rolin më të rëndësishëm në skemën e mashtrimit të madh.
Qindra milionë euro ndaheshin mes kinezëve dhe shqiptarëve. Kinezët i përvetësonin paratë përmes një rrjeti kompanish fantazmë, të regjistruara jashtë vendit, të cilat lëshonin fatura fiktive për Bankers. Hajdutët shqiptarë i përvetësonin paratë me të njëjtën formë, por me kompani fantazmë brenda vendit.
Diona Goga dhe Majlinda Thana kanë bashkëpunuar me Flavia Capon për të zbatuar skemën e mashtrimit të madh financiar nga Bankers. Zonjat rezultojnë të besuara për ‘ustallarët’ e Bankersit.
Dallaveret financiare nuk mund të finalizoheshin pa dorën e Matilda Ibraliut, me detyrë menaxhere finance pranë Bankersit. Zonja Ibraliu rezulton ‘fabrika’ e faturave fiktive të Bankersit për vjedhjen e qindra milionë euro.
Ndërkaq, juristja Erjola Aliaj dyshohet se ka shantazhuar Bankers duke përlarë 140 mijë euro. Zonja Aliaj, sipas dosjes, ka punuar pranë Bankers për 4 vite, me pagë rreth 5 mijë euro në muaj.
Gjatë kësaj kohe dyshohet se Erjola Aliaj ka bërë një dosje me aferat financiare të Bankers. Nga frika e publikimit të aferave, kinezët i kanë dhënë Aliajt 140 mijë euro kur është larguar nga kompania në qershor 2023.
Rreth aferës Bankers mund të lexoni;
