KAVAJË– Një 35-vjeçare e identifikuar me inicialet M.P ka përfunduar në spital së bashku me tre fëmijët e mitur pasi kishte qëndruar për një kohë të gjatë brenda një pishine të mbyllur në një hotel në Kavajë. Pasi ka marrë ndihmën mjekësore policia nbën me dije se ajo dhe fëmijët janë kthyer sërish në banesë. Materialet i kaluan Prokurorisë për hetime të mëtejshme.
NJOFTIMI I POLICISË:
Më datë 13.04.2023, në spitalin e Kavajës, janë paraqitur për kontroll mjekësor shtetasja M. P., 35 vjeçe, dhe tre shtetas të mitur, banues në Kosovë, pasi kanë qëndruar për një kohë të gjatë, në një pishinë të brendshme. Pas vizitës në spital, këta shtetas janë larguar në banesat e tyre. Materialet për këtë rast i kaluan Prokurorisë, për vlerësim.
