TIRANË– Një 26-vjeçare e identifikuar me inicialet F.S ka rënë në prangat e policisë së Tiranës pasi pas kontrollit të kryer nga efektivët e policisë iu gjet dhe sekuestrua në cilësinë e provës materiale një sasi lënde narkotike e llojit kokainë. Ndërsa një 56-vjeçar është arrestuar pasi u kap në flagrancë duke drejtuar mjetin në gjendje të dehur. Përpos kësaj ai u përplas dhe me një makinë tjetër, që fatmirësisht nuk kishte dëme në njerëz. Gjatë momentit të arrestimit 56-vjeçari ka kundërshtuar efektivët.
NJOFTIMI I POLICISË:
Tiranë/Vihen në pranga 2 shtetas, për vepra të ndryshme penale. Specialistët për Hetimin e Krimeve të Komisariatit të Policisë Nr. 2 arrestuan shtetasen F. S., 26 vjeçe, banuese në Tiranë, pasi gjatë kontrollit nga shërbimet e Policisë, iu gjet një sasi lënde e dyshuar narkotike e llojit heroinë, e cila u sekuestrua në cilësinë e provës materiale. Specialistët e Qarkullimit Rrugor arrestuan shtetasin B. H., 56 vjeç, banues në Tiranë, pasi duke drejtuar automjetin, në gjendje të dehur, është përplasur me automjetin me drejtues shtetasin A. Xh., si dhe nuk i është bindur urdhrit të punonjësve të Policisë, për kryerjen e veprime procedurale.
—
Më datë 18.01.2023, në rrugën “Halit Bega”, duke punuar në çatinë e banesës së tij, ka rënë nga lartësia dhe për pasojë është dëmtuar, shtetasi E. H., 41 vjeç. Aktualisht ndodhet nën kujdesin e mjekëve. Materialet i kaluan Prokurorisë, për veprime të mëtejshme procedurale.
