TIRANË– Një situatë e paprecedentë po ndodh në këto momente pranë studiove të Top Channel në Kashar ku qindra fansa të Luiz Ejllit janë mbledhur në mbështetje të tij. Ata kanë marrë bokse muzike me vete, dronë dhe banderola që tregojnë se e mbështesin. Siç shihet dhe në pamjet e siguruara nga Newszone policia ka mbërritur para ambineteve të Top Channel dhe ka krijuar një gardh që mbështetesit të mos afrohen afër godinës.
Nga ana tjetër mësohet se produksioni i ka futur të gjithë banorët brenda në dhomën e ndjenjës në mënyrë që të mos kenë mundësi për të shikuar dronët, po ashtu janë mbyllur dhe të gjitha perdet e shtëpisë. Ndërkohë duke marrë parasysh muzikën e lartë që do të vendoset produksioni është kujdesur që të mbyllë të gjitha dritaret dhe ti mbajë banorët e angazhuar.
