TIRANË- Është shtruar këtë të hënë në urgjencë në QSUT mjeku i njohur Pëllumb Pipero. Bëhet me dije se ai është nën kujdesin intensiv të mjekëve, i shtruar tek reparti i Neurokirurgjisë.
Dyshohet se mjeku i njohur ka pësuar Insult Cerebral Trombotik (ndodh pasi pakësohet furnizimi me gjak dhe oksigjen në tru), dhe mësohet se i është nënshtruar një operacioni te spitali Amerikan 3 dhe se tani është në gjendje më të mirë shëndetësore dhe jashtë rrezikut për jetën.
Kush është Pëllumb Pipero?
Në periudhën e pandemisë, Pipero u kthye në mjekun ikonë, pasi çdo ditë informonte qytetarët në lidhje me pandeminë e COVID-19, që kishte mbërthyer të gjithë botën. Ky i fundit ishte çdo ditë pranë pacientëve, dhe në ekrane të ndryshme televizive duke dhënë këshilla për kujdesin shëndetësor se si të mbrohemi nga Covid. Mjeku Pëllumb Pipero punon prej vitesh si mjek infeksionist në Qendrën Spitalore Universitare “Nënë Tereza”.
