Bukuroshja ruse Irina Shayk dhe Bradley Cooper duket se mbajnë një lidhje të ngushtë me njëri-tjetrin edhe pas ndarjes së tyre. Ata kanë pushuar në Itali së bashku me vajzën 6-vjeçare e quajtur Lea de Seine. Ndërkohë që kohët e fundit po përflitet për një lidhje midis Shayk dhe Tom Brady. Çifti, i cili kishte lidhje nga viti 2015 deri në vitin 2019, ishte me humor të lartë dhe të gjithë të buzëqeshur gjatë shëtitjes me varkë të shtunën, në një video të postuar nga THE SUN.
Aktori u pa duke mbajtur çantën e saj, por e ndihmoi të hipte dhe të zbriste nga varka, ndërsa i kishte vënë krahun karriges së saj, teksa ishin jashtë për drekë. Sipas publikimit të fotove Cooper ishte në Venecia për filmin e tij të ri, Maestro, pasi ai nuk do të jetë i pranishëm në premierën e tij të shtunën e ardhshme për shkak të grevës së vazhdueshme të aktorëve. Nga ana tjetër Shayk në rrjetin e saj social “Instagram” publikoi disa pamje nga udhëtimi i tyre ku ajo pozonte topless në mes të një gremine shkëmbore.
