KORÇË– Artur Rakipi, Thanas Sholla dhe Besnik Dine, janë lënë në burg këtë të hënë nga Gjykata e Korçës. Ata akuzohen për mashtrim, arrestimi i tyre erdhi pas një hetimi 5-mujor të bluve të qytetit juglindor në bashkëpunim me Prokurorinë.
Të tre në bashgkëpunim me njëri-tjetrin prodhonin dhe pajisnin me dokumente të falsifikuara udhëtimi shqiptarë dhe të huaj, për të udhëtuar nëpër botë kundrejt pagesës 300-10 mijë euro.
Gjatë operacionit Policia sekuestroi një laborator që shërbente për prodhimin e dokumenteve të falsifikuara, pajisje kompjuterike, makineri prodhimi dhe plastifikimi, vula, simbole, emblema të shteteve të huaja, automjete, shuma parash të siguruara nga ky aktivitet.
