TIRANË– Një 82-vjeçar nga Korça nuk ka mundur ta fitojë betejën me Covid-19 duke ndërruar jetë këtë të hënë në spitalin Infektiv. Lajmi është kofirmuar në njoftimin e Ministrisë së Shëndetësisë. Gjatë 24 orëve të fundit janë kryer 189 testime ku kanë rezultuar pozitivë 6 qytetarë.
NJOFTIMI I MINISTRISË:
Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit. Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Ju informojmë për situatën e Covid19 në 24 orët e fundit: Janë kryer 189 testime, nga të cilët 6 qytetarë kanë rezultuar pozitivë me COVID19:
5 në Tiranë, 1 në Durrës.
Janë 151 qytetarë aktivë me Covid19 në të gjithë vendin.
Aktualisht në Spitalin Infektiv po marrin trajtim 7 pacientë. Në 24 orët e fundit ka 1 humbje jete me SarsCov2, një qytetar 82 vjeç, nga Korça.
Janë shëruar 14 qytetarë gjatë 24 orëve të fundit, duke e çuar numrin e të shëruarve në 330,060 që nga fillimi i epidemisë.
Statistika ( 27 Mars 2023)
Raste të reja ditore 6
Të shëruar në 24 orë 14
Të shtruar në spitale 7
Humbje jete në 24 orë 1
Testime ditore 189
Testime totale 2,047,608
Raste pozitive 333,814
Raste të shëruara 330,060
Raste Aktive 152
Humbje jete 3,602
Shpërndarja gjeografike e rasteve aktive sipas qarqeve:
Tiranë 133
Fier 5
Vlorë 6
Berat. 3
Durrës. 3
Shkodër. 2
