COVID-19/ Asnjë humbje jete dhe vetëm një qytetar i infektuar në 24 orë

TIRANË– Vetëm një rast pozitiv dhe asnjë humbje jete nga Coivid-19. Ky është bilanci i 24 orëve të fundit i bërë publik nga ministria e Shëndetësisë.

NJOFTIMI I MINISTRISË:

Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.

Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Ju informojmë për situatën e Covid19 në 24 orët e fundit: Janë kryer 33 testime, nga të cilat kanë rezultuar pozitivë me COVID19, 1 qytetar në Tiranë. Janë 173 qytetarë aktivë me Covid19 në të gjithë vendin. Aktualisht në Spitalin Infektiv po marrin trajtim 5 pacient. Në 24 orët e fundit nuk ka asnjë humbje jete me SarsCov2. Janë shëruar 12 qytetarë gjatë 24 orëve të fundit, duke e çuar numrin e të shëruarve në 329,031 që nga fillimi i epidemisë.

Statistika ( 2 Janar 2023)

Raste të reja ditore 1
Të shëruar në 24 orë 12
Të shtruar në spitale 5
Humbje jete në 24 orë 0
Testime ditore 33

Testime totale 2,020,126
Raste pozitive 332,800
Raste të shëruara 329,031

Raste Aktive 173
Humbje jete 3,596

Shpërndarja gjeografike e rasteve aktive sipas qarqeve:

Tiranë 141
Fier 13
Shkodër 4
Durrës 3
Berat 3

Vlorë 2
Dibër 2
Lezhë 2
Kukës 2
Gjirokastër 1