FIER– Pesë persona janë vënë në hetim nga policia e Fierit pasi akuzohen për vepra të ndryshme penale. Përmes një njoftimi për mediat policia e Fierit bën me dije se një 39-vjeçar i identfikuar me inicilaet E.L dhe një 30-vjeçar i identifkuar me inicilaet Ll.P janë vënë nën hetim pasi pas kontroillit fizik të kryer nga efektivët iu gjetën disa doza të vogla lënde narkotike e llojit kanabis. Ndërkohë të tjerët janë arrestuar për mashtrim dhe vetëgjyqësi.
NJOFTIMI I POLICISË:
Specialistët e Seksionit për Hetimin e Narkotikëve të DVP Fier referuan materialet në Prokurori dhe nisi procedimi në gjendje të lirë për shtetasit E. L., 39 vjeç dhe Ll. P., 30 vjeç, të dy banues në Fier, pasi gjatë kontrolleve fizike, nga shërbimet e Policisë, iu gjetën doza lënde të dyshuar narkotike kanabis.
Specialistët për Hetimin e Krimeve të DVP Fier referuan materialet në Prokurori dhe nisi procedimi në gjendje të lirë për shtetasin K. Dh., 54 vjeç, banues në Vajkan, pasi dyshohet se me anë të mashtrimit, i ka marrë një shumë parash, një shtetaseje dhe nuk ia ka kthyer më.
Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi në gjendje të lirë për shtetasin Sh. K., 57 vjeç, banues në Fier, pasi dyshohet se me vetëgjyqësi, ka penguar shtetasin L. M., për të marrë pajisjet në pronësi të tij, nga magazina që i kishte dhënë me qira 57-vjeçari.
Specialistët për Hetimin e Krimeve të Komisariatit të Policisë Divjakë referuan materialet në Prokurori dhe nisi procedimi në gjendje të lirë për shtetasin A. C., 46 vjeç, banues në Mucias, Divajkë, pasi dyshohet se me vetëgjyqësi, i ka marrë një shumë parash shtetasit D. Gj., me pretendimin se ky i fundit ia kishte borxh.
Materialet procedurale i kaluan Prokurorisë, për veprime të mëtejshme.
