TEPELENË– Dy vëllezër të identifkuar me inicilaet K.Q, 31 vjeç dhe B.Q, 32 vjeç janqë përfshirë në një ngjarje kriminale në Tepelenë. Policia bën me dije se 31-vjeçari është arrestuar ndërsa vëllai i tij po hetohet në gjendje të lirë pasi akuzohen se kanë kërcënuar një vajzë me jetë si dhe kanë tentuar t’i djegin dy automjete. E reja në dëshminë e dhënë para bluve të Tepelënës është shprehur se njëri nga të rinjtë e ka kanosur, ndërsa tjetri ka tentuar t’i djegë dy makinat që ka.
NJOFTIMI I POLICISË:
Specialistët e Seksionit për Hetimin e Krimeve të Komisariatit e Policisë Tepelenë arrestuan në flagrancë shtetasin K. Q., 31 vjeç, banues në fshatin Luzat, Tepelenë, si dhe referuan materialet në Prokurori ku nisi procedimi në gjendje të lirë për vëllanë e tij, shtetasin B. Q., 32 vjeç, pasi ka kallëzuar shtetasja L. G., 31 vjeçe, se për motive të dobëta, është kanosur nga shtetasi B. Q., dhe se shtetasi K. Q. ka tentuar të djegë 2 automjete në pronësi të saj. Në drejtimin e Prokurorisë, vijon puna për verifikimin e këtij kallëzimi. Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
