TIRANË– Një 13-vjeçar është larguar nga Shtëpia e Fëmijës ‘Zybëer Hallulli’ në Tiranë. I mituri ka humbur kontakte me institucionin ndërsa denoncimin në polici e ka bërë një punonjës i Shtëpisë së Fëmijës. Policia është vënë në kërkim të tij. Po ashtu blutë e kryeqytetit bëjnë me dije se ështrë shpallur në kërkim një 41-vjeçare e identifikuar me iniciloaet A.Ç pasi te Spitali Psikiatrik Nr. 5, ka kanosur një mjeke dhe i ka thyer telefonin asaj.
NJOFTIMI I POLICISË:
Tiranë Specialistët për Hetimin e Krimeve të Komisariatit të Policisë Nr. 2 arrestuan shtetasin J.(L). R., 27 vjeç, banues në Tiranë, pasi është kapur në flagrancë duke vjedhur në një garazh, në Rrugën e Kavajës. Specialistët për Hetimin e Krimeve të Komisariatit të Policisë Nr. 6 ndaluan shtetasin L. M., 23 vjeç, banues në Tiranë, pasi Gjykata e Rrethit Gjyqësor Tiranë ka vendosur ndryshimin e masës së sigurisë nga “Arrest në shtëpi” në “Arrest në burg”.
–
Specialistët për Hetimin e Krimeve të Komisariatit Nr. 4 po punojnë për kapjen e shtetases A. Ç., 41 vjeçe, banuese në Tiranë, pasi te Spitali Psikiatrik Nr. 5, ka kanosur një mjeke dhe i ka thyer telefonin asaj. Në Komisariatin e Policisë Nr. 1 është paraqitur shtetasi S. T., 32 vjeç, punonjës në shtëpinë e fëmijës “Zyber Hallulli”, i cili ka kallëzuar se është larguar një 13-vjeçar që qëndronte në këtë institucion. Punohet për gjetjen e tij. Materialet i kaluan Prokurorisë, për veprime të mëtejshme procedurale.
