VLORË– “Boom” arrestimesh në Vlorë. Në njoftimin e saj për mediat policia e Vlorës bën me dije se gjatë 24 orëve të fundit janë arrestuar shtatë persona, të cilët akuzohen për vepra të ndryshme penale. Blutë e qytetit bregdetar bëjnë me dije se në pranga ka rënë një 25-vjeçar i identifikuatr me inicialet K.B pasi dyshohet se gjatë muajit janar ka kryer transport të paligjshëm të emigrantëve kundrejt fitimit. Po ashtu është arrestuar dhe një 41-vjeçar i identifikuar me inicialet D.Sh pasi akuzohet se ka përndjekur ish-bashkëshorten e tij. Ndërkohë pesë personat e tjerë akuzohen për vepra të ndryshme penmale.
NJOFTIMI I POLICISË:
DVP Vlorë. Specialistët për Hetimin e Krimeve Ekonomike dhe Financiare referuan materialet në Prokurori dhe nisi procedimi në gjendje të lirë për shtetasit R. J., 31 vjeç dhe L. J., 33 vjeç (vëllezër), banues në Vlorë, pasi gjatë kontrollit në subjektet e tyre tregtare, përkatësisht në rrugën “Demokracia” dhe në rrugën “8 Marsi”, në Vlorë, shërbimet e Policisë gjetën dhe sekuestruan aparate celulare të dyshuara të kontrabanduara.
Specialistët për Hetimin e Krimeve të Komisariatit të Policisë Sarandë ndaluan shtetasit:
– K. B., 25 vjeç, banues në Vlorë, pasi nga veprimet hetimore dyshohet se gjatë muajit janar, ka transportuar me automjet, kundrejt fitimit, 8 emigrantë, me qëllim kalimin e paligjshëm të kufirit;
– I. I., 36 vjeç, banues në Sarandë, pasi u kap nga shërbimet e Policisë, duke drejtuar një automjet, i cili pas verifikimit nga Interpol Tirana, rezultoi se ishte vjedhur në Greqi.
-Po këta specialistë shpallën në kërkim shtetasin D. Sh., 41 vjeç, banues në Gjirokastër, pasi dyshohet se ka përndjekur ish-bashkëshorten e tij, banuese në Sarandë. Gjithashtu, referuan materialet në Prokurori dhe nisi procedimi në gjendje të lirë për shtetasit:
-N. B., 18 vjeç, banues në Sarandë, pasi gjatë kontrollit fizik nga shërbimet e Policisë, iu gjet dhe iu sekuestrua një sasi lënde e dyshuar narkotike kanabis;
-J. H., 19 vjeç, banues në Sarandë, pasi gjatë kontrollit fizik nga shërbimet e Policisë, iu gjet dhe iu sekuestrua një mjet prerës (thikë). Specialistët e Qarkullimit Rrugor të DVP Vlorë arrestuan në flagrancë shtetasin L. L., 52 vjeç, pasi ditën e djeshme, duke drejtuar automjetin, në rrugën “Gjergj Kastrioti”, ka aksidentuar shtetasin Th. H., 63 vjeç, që lëvizte me biçikletë, i cili ndodhet në spital, jashtë rrezikut për jetën. Materialet iu referuan Prokurorisë, për veprime të mëtejshme.
