TIRANË– Ministri i Brendshëm Bledi Çuçi duke folur në një konferencë për mediat në lidhje me objektivat e vitit 2023 u shpreh se mbështetja financiare për efektivët e policisë duhet të vazhdojnë. Ai tha se të gjithë punonjësit meritojnë një pagë e trajtim më të mirë.
Bledi Çuçi: Pjesa më e rëndësishmje e një dosjes openale është në fiksimin e provave dhe këtu rolin kryesor e ka policiea shkencore dhe ne siguruam financimin për ngritjen e një godine të re për policinë shkencore dhe pasi ta mbarojmë godinën, me partnerët tanë të Britanisë së Madhe kemi rreth 4 milionë paund që t’i pajisim me mjetet më të fundit. Besoj unë ky është një moment shumë i rëndësishëm dhe që do ndryshojë ndjeshëm fiksimin dhe momentin procedurial të provave në ngjarje. Kam dëshirë të ndaj një arritje tjetër, po me partnerët britanikë ne kemi arritur një database me 11 mijë mostra AND-sh të fiksuara për të rritur zbulueshmërinë e krimeve, edhe të atyre të ngelura pa autor. Ka qenë një vit i mbarë edhe për policinë shkencore. Bashkëpunimi policor ndërkombëtar me vendet partnere të Bashkimit Evropian, 20 operacione të përbashkëta gjatë vitit 2022. Sigurisht, rritja e besimit të partnerëve në punën e Policisë së Shtetit është një moment shumë i rëndësishëm kundër Krimit të Organizuar. 2022 në këtë drejtim ka qenë një vit shumë i mirë sepse kemi pasur 20 skuadra të përbashkëta hetimore. Do e vazhdojmë këtë bashkëpunim gjatë 2023-it, kemi rritur dhe numrin e shteteve me agjencitë e të cilave operojmë. Gjithashtu në këtë fushë, është për t’u theksuar se Ministria e Brendshme me Europolin ka bërë të mundur që SPAK, BKH dhe Drejtoria e Doganave të kenë akses në databazat kriminale të Europolit. Keto janë momente shumë të mira që demonstrojnë besimin që kanë partnerët tane te agjencitë tona ligjzbatuese. Ky besim ka bërë të mundur që të rrisim prezencën tonë në Europol, duke shtuar një officer tjetër. Gjatë vitit 2022, ne kemi shtuar investimet në polici duke u fokusuar drejt teknologjisë. Në 2023 do kemi një bum investimesh në teknologji, e kushtëzuar dhe nga sulmi kibernetik nga agresorët iranianë. Me të gjithë financimet që i kemi të premtuara nga partnerët tonë në fushën e teknologjisë, gjatë vitit 2023 si reagim ndaj sulmit kibernetik po punojmë për ngritjen e një Agjencie Kombëtare për Mbrojtjen Kibernetike, do ketë dhe një sektor në Ministri. Kjo mbetet gjithmonë një sidë, që e kalon gjithë bota por me masat që kemi marrë besoj se në përfundim të ngritjes së kësaj Agjencie me sokët sektorialë në agjenci që kanë informacion të rëndësishëm do jemi më të mirët në rajon për mbrojtjen kibernetike. Një aspekt i rëndësishëm mbetet trajtimi i punonjësve të policisë nga pikëpamja financiare. Gjatë 2022 e kemi rritur pagën me 15%, pa folur për paketat që kemi dhënë në vijim për amortizimin e efekteve të inflacionit prej luftës në Ukrainë. Kjo do vazhdojë akoma sepse punonjësit e Policisë së Shtetit meritojnë një pagë gjithmonë e më të mirë sepse janë në përballje direkte me krimin. Këto ishin disa nga arritjet në 2022-it dhe qëllimet për 2023.
